स्वर्गीय बळीरामजी दखणे यांची १०५ वी जयंती उत्साहात साजरी

स्वर्गीय बळीरामजी दखणे यांची १०५ वी जयंती उत्साहात साजरी

कन्हान : - शिक्षण विकास मंडळ रामटेक द्वारा संचालित विकास प्राथमिक शाळा , कन्हान व बळीरामजी दखणे हायस्कूल कन्हान चे संस्थापक अध्यक्ष स्वर्गीय बळीरामजी दखणे यांची १०५ व्या जयंती निमित्ताने विद्यार्थ्यांकडून निरनिराळे विरांगणा यांचे वेशभूषा करून घेण्यात आले . विद्यार्थ्यांनी जिजाऊ सावित्रीबाई फुले , अहिल्याबाई होळकर भारताच्या माजी राष्ट्रपती प्रतिभाताई पाटील , झाशीची राणी , लक्ष्मीबाई अशा निरनिराळ्या वेशभूषा केली होती . प्रथम स्वर्गीय दखने यांच्या प्रतिमेला पुष्प अर्पण करून अभिवादन करण्यात आले . 

विद्यार्थ्यांनी ज्या भूमिकेच्या वेशभूषा केलेल्या होत्या त्या भूमिकेतील पात्राविषयी आपल्या भाषणातून माहिती दिली . याप्रसंगी वर्ग तिसरीच्या विद्यार्थिनी श्रेया चकोले हिचे जिजाऊ चे वेशभूषा व भाषण उत्कृष्ट राहिले उपस्थित सर्व पालकांनी प्रमुख पाहुण्यांनी तयार होऊन आलेल्या सर्व विद्यार्थ्यांचे कौतुक केले . 

कार्यक्रमाचे अध्यक्ष दखणे हायस्कूलचे मुख्याध्यापक सचिन अल्लेडवार , प्रमुख अतिथी म्हणून लाभलेले यतीन कुमार पशिने , प्रायमरी चे मुख्याध्यापक राजेंद्र खंडाईत , दखणे हायस्कूलचे पालक सभेचे सचिव गुंडेराव चकोले प्रामुख्याने उपस्थित होते . मान्यवरांनी स्वर्गीय बळीरामजी दखणे उर्फ काकाजी यांच्या जीवन चरित्र विषयी विस्तृत अशी माहिती दिली. कार्यक्रमातील सर्व सहभागी विद्यार्थ्यांना त्यांनी दिलेल्या भाषणाबद्दल व वेशभूषा बद्दल त्यांना बक्षीस वितरण करण्यात आले . 

कार्यक्रमाचे सूत्र संचालन सौ.भाग्यश्री नखाते तसेच आभार प्रदर्शन ज्ञानेश्वर बांबल यांनी केले . कार्यक्रमाच्या यशस्वीते करिता विकास प्राथमिक शाळेतील सर्व शिक्षक तसेच दखणे हायस्कूल मधील सर्व शिक्षक शिक्षकेतर कर्मचारी यांनी सहकार्य केले . विद्यार्थ्यांना शेंगदाणा पापडी व चॉकलेट वाटून कार्यक्रमाची सांगता करण्यात आली .

कन्हान प्रतिनिधि - ऋषभ बावनकर